Rantin' Rovin Robin lyrics

Artist Andy M. Stewart
Album(s) Songs Of Robert Burns

Lyrics

There was a lad was born in kyle
But whatna day o' whatna style
I doubt it's hardly worth the while
To be sae nice wi' robin

Chor. - robin was a rovin' boy
Rantin', rovin', rantin', rovin'
Robin was a rovin' boy
Rantin', rovin', robin!

Our monarch's hindmost year but ane
Was five-and-twenty days begun^2
'Twas then a blast o' janwar' win'
Blew hansel in on robin
Robin was, &c

The gossip keekit in his loof
Quo' scho, "wha lives will see the proof
This waly boy will be nae coof:
I think we'll ca' him robin."
Robin was, &c

"He'll hae misfortunes great an' sma'
But aye a heart aboon them a'
He'll be a credit till us a'-
We'll a' be proud o' robin."
Robin was, &c

"But sure as three times three mak nine
I see by ilka score and line
This chap will dearly like our kin'
So leeze me on thee! robin."
Robin was, &c

"Guid faith," quo', scho, "i doubt you gar
The bonie lasses lie aspar;
But twenty fauts ye may hae waur
So blessins on thee! robin."
Robin was, &c

great sites:
Instant Song LyricsPokemon DatabaseSimpsons CrazyCartoon imagesThe Funny Pages